Niyam küsülü olduğu Röyadan danışdı — Mən o xanımla küsülü olsam da...

Müğənni Niyam Səlami küsülü olduğu Xalq artisti Röya Ayxandan danışıb.
O bu barədə "Xəzər" televiziyasında yayımlanan "Şən bazar" verilişində söhbət açıb. Proqramda o, Xalq artisti ilə küsülü olsa da bəzi məqamları deməyi özünə borc bilib.

"Mən o xanımla danışmasam da onun istedadını dana bilmərəm. Röya oxuduğu hər bir mahnısını yaşayır. Onun heç bir ifası boş olmur. O, mahnılara həyat verir. Nəğmələrini hiss edərək, ifa edir", - deyə o, bildirib.

Qeyd edək ki, Röya ilə Niyam uzun illər dost olublar. Tərəflər arasında yaranan bəzi narazılıqlar küsülülüyə səbəb olub. Hazırda keçmiş dostlar danışmırlar.(ölkə)