Bağla

Login və ya Yeni qeydiyyat

Şifrəni unutmusan?


Fotosu Şekspir muzeyində saxlanılan azərbaycanlı - FOTO

  • Müəllif  Admin

Bu gün Azərbaycanın görkəmli teatr və kino aktyoru, SSRİ xalq artisti Ələsgər Ələkbərovun vəfat etdiyi gündür.

Ələsgər Ələkbərov 1910-cu ildə martın 26-da Bakıda anadan olub.

Hələ uşaq yaşlarından teatra, kinoya maraq göstərən aktyor ailəsinin narazılığına baxmayaraq məktəbdə oxuduğu illərdə tez-tez Əbilov klubundakı dram dərnəyinə getməyə başlayıb. Məktəbi bitirdikdən sonra 1927-1930-cu illərdə Bakıdakı Teatr Texnikumunda təhsil alıb.

Daha sonra isə Bakı Türk İşçi Teatrında çalışıb, burada Hacı Baxşəli ("Ölülər"), ikinci bələdiyyə ("Hücum") kimi yaddaqalan obrazlar yaradıb.

Aktyor teatrda işlədiyi illərdə aktrisa Hökümə Qurbanova ilə ailə həyatı qurub. Bu evlilikdən onların Nailə adlı qız övladları dünyaya gəlib.

1933-cü ildə Bakı Türk İşçi Teatrı Gəncəyə köçürülərkən gənc ailə də Bakıdan Gəncəyə köçüb. Amma onların ailə həyatı uzun ömürlü olmayıb, çox keçməmiş qısqanclıq səbəbindən ailə dağılıb.

Hökumə Qurbanovadan ayrılandan sonra aktyor bir rus qızı ilə evlənib.

Ə. Ələkbərov bir neçə il Tbilisi Azərbaycan Teatrında, Kirovabad Teatrında çalışıb, 1933-cü ildən Akademik Dram Teatrında işləməyə başlayıb.

Teatrda Maktuf ("Maqbet"), şah Zeyir ("Şahnamə"), Aydın ("Aydın"), Heydərbəy ("1905-ci ildə"), Fərhad ("Fərhad və Şirin") və s. onlarla rol oynayıb. Yaratdığı iki obraz - Vaqif ("Vaqif") və Otello ("Otello") yaradıcılığının zirvəsi hesab olunur.

"Vaqif" obrazını yaradarkən aktyor 28 yaşında olub. Ədil İsgəndərovun quruluş verdiyi tamaşa 1064 dəfə oynanılıb.

Onun 1959-cu ildə Moskvada Azərbaycan mədəniyyəti və ədəbiyyatı ongünlüyündə Vaxtanqov teatrının səhnəsində Azərbaycan Dram Teatrının kollektivi ilə birlikdə oynadığı "Otello" rusiyalı tamaşaçılarda xüsusi heyranlıq yaradıb.

Hətta həmin tamaşadan olan fotosu indi də Şekspir muzeyində saxlanılır. Tamaşaya baxmağa gələn ingilislər aktyorun rolunu o dərəcədə bəyəniblər ki, tamaşanı lentə alıblar.

Teatrın direktoru Ədil İsgəndərovla münasibətlərinin pis olması, 1959-cu ildə fəxri adın ona deyil Ədil İsgəndərova verilməsi aktyoru incik salıb. O, elə həmin ildə də öz ərizəsi ilə teatrdan uzaqlaşıb. Teatra yalnız həmin ilin sonlarında, Ədil İsgəndərov vəzifəsindən getdikdən sonra qayıdıb.

Aktyor həm də bir sıra filmlərdə rol alıb. Dovjenko adına Kiyev kinostudiyasında çəkilən "Varislər" filmində don Aqilla rolunu uğurla oynayıb (1960). Azərbaycan kinosunda Rüstəm kişi ("Böyük dayaq"), Fətəli xan ("Fətəli xan") kimi yaddaqalan rollarda oynayıb. "Lətif", "Almaz", "Kəndlilər", "Leyli və Məcnun", "Uzaq sahillərdə" filmlərində rollar alıb.

1961-ci ildə SSRİ xalq artisti adına layiq görülüb.

31 yanvar 1963-cü ildə vəfat edib.







Oxşar mövzular:
  • Əməkdar artist vəfat etdi
  • Mircəfər Bağırov Ədil İsgəndərovu niyə ölümlə hədələyib? - FOTO
  • Elçin Həmidovun ölümündən üç il keçir
  • Səyavuş Aslan dünyasını dəyişdi
  • Ağahüseyn Cavadov [istək xəbər]


  • Gerİ dön


    0 şərh

    İnformasiya

    Qonaq qrupunda olanlar istifadəçilər bu xəbərə şərh əlavə edə bilməz.
    Şərh əlavə etmək üçün sayta daxil olun və ya qeydiyyatdan keçin.

    ONLİNE

    «     Noyabr 2019    »
    BeÇaÇCaCŞB
     123
    45678910
    11121314151617
    18192021222324
    252627282930 
    Style I Style II Style III