reklam
Mövlanənin rübailəri Mövlanənin rübailəri http://take.az/uploads/posts/2018-09/1538057097_6000.jpg
_Yene_Tenha_

_Yene_Tenha_ Şeirlər 27-09-2018, 18:05

Mövlanənin rübailəri

Mövlanənin rübailəri
1
Könül, uca Dosta – Ona bir yol var,
Ya gizli, ya açıq… Sına, bir yol var.
Lap altı yöndən də qapansa yollar,
Yar bağının qapısına bir yol var.

Mövlanənin rübailəri

2
Haqq bilgisini seç, gəl,
Yara sığın! Əcəllə sovrulma, divara sığın!
Var kimi görünən yoxu tərk eylə,
Yox hesab etdiyin o vara sığın!



3
Nə mən – mənəm, nə sən – sənsən, nə sən – mən,
Həm mən – mənəm, həm sən – sənsən, həm mən – sən.
Eşqinlə doluyam, Hötənli gözəl,
Bilmirəm: əkizik, yoxsa sənsən mən?!



4
Hansı bahar səndən şuxdur, təzədir?
Hansı mehtab səndən daha gözəldir?
Hansı səhər daha xoş müjdə verdi?
Hansı şəkər sənə rəqib məzədir?



5
Haraya üz tutsam, səcdəgah – Odur,
Altı yöndə, dışda tək ilah – Odur.
Bağ-məşuq, gül-bülbül – sırf bəhanədir,
Bunlardan tək məqsəd, bil, vallah, Odur.



6
Canında bir cövhər uyuyar, yatar,
Tənində bir gövhər uyuyar, yatar.
Gövhər mədənini, ey haqq yolçusu,
Kənarda axtarma, könlündə axtar.



7
Yaşadıqca əyriyə daim arxa çevirdim,
Tövbə etdim əyridən, düzlüyə könül verdim.
Saf-çürük eylədikcə həm əyrini, həm düzü,
Sonda hər ikisi də Onunmuş… Bunu gördüm.



8
Azdan da, çoxdan da əl çəkən kəsin
Zənginlik, dərvişlik pozmaz nəşəsin.
O, əl-ətək üzüb hər cür fanidən,
Tapmazsan zatında mənlik zərrəsi(n).



9
Hər canlı tez, ya da gec ölüm şərbətin dadar,
Əcəl bir gün sənin də gəlib yaxandan tutar.
Heç rəvamı əlinlə imanlı bir qardaşın,
Ya da hər hansı insan min dərdə-qəmə bata?!


Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

Bəyən Sevgi Gülüş Şok Üzgün Əsəbi
320 323 336 305 327 307

Oxşar xəbərlər Digər trend xəbərləri

Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

Məlumat Sizin rəyə rəy yazmaq 15 gündən sonra mümkündür.