Mahnının sözləri
Dağ kimi güvənib sevdiyim insan, qəlbimə çəkdi gör necə dağlar.
Hər səhər oyanıb görürəm özü yox, məni tək indi dərdi qucaqlar.
Hər yandan düşür üstümə kölgəsi, elə bil duyulur qulağımda səsi,
Mən ona sarı gedirəm, amma üstümə yeriyir bomboş otaqlar.
Getməzdi buraxıb əlimi, axı getməzdi hec,
Yetməzdi bizə ayrılığın gücü, yetməzdi,
Etməzdi, üzməzdi, məni incitməzdi
Mənə belə etməzdi.
Bilmir ki, yoxluğu cannan hər gün cana
Gəlmir ki, naləm, ahım göylərə ucalır.
Sevmir ki, dəli oluram mən nəfəsim daralır,
Beləcə qanım qaralır.
Bir eşqin ulduzu sönmüş gecəyə, halına yanmış birindən danış.
Bəlkə də ağaran saçları bir gün görsən də, sənə gəlməz ki, tanış,
Düyünlü taleh yolumuza bənzər, həsrət üzümü qırışıyla bəzər,
Qarşıma şərabın badəsi düzülər, xatirələrdən göz yaşı süzülər.
Getməzdi buraxıb əlimi, axı getməzdi hec,
Yetməzdi bizə ayrılığın gücü, yetməzdi.
Etməzdi, üzməzdi, məni incitməzdi,
Mənə belə etməzdi.
Bilmir ki, yoxluğu cannan hər gün cana
Gəlmir ki, naləm, ahım göylərə ucalır
Sevmir ki, dəli oluram mən nəfəsim daralır,
Beləcə qanım qaralır.