"Ya mən ya o kimi seçməli?

Bəzən qarşınıza belə bir seçim qoyurlar:
"Ya mən, ya işin",
"Ya mən, ya təhsilin", "Ya mən, ya x arzun" və s.
Belə seçim qarşısında qalanda biz nə etməliyik?
Seçim etməzdən qabaq bunu bildirməliyəm ki,
"Ya mən ya o" seçimini qarşınıza qoyan bir insan tək o anda deyil, sonradan da, həyatınızda olduğu bütün müddətdə sizi dar çərçivəyə, seçimlərə salacaq

Əslində lap həyatımızı bölüşəcəyimiz bir insan olsa belə, heç kəsin bu seçimi sizin qarşınıza qoymağa haqqı yoxdur. İllərlə karyeranız, işiniz üzərində zəhmət çəkirsiniz, ya təhsiliniz Küzərində işləyirsiniz, yaxud nə isə arzulayırsınız Və birdən təzəcə tanıdığınız biri gəlib sizə bunları ona görə atmağı sizdən istəyir.
Halbuki sizi bu arzularınızla, bu işinizlə tanımışdı. Arzular, planlar bizim şəxsiyyətimizin bir parçasıdır.

Çünki arzularımıza enerjimizi veririk.
Və təzə tanıdığınız insan bu enerjini alıb kənara atmağı, hər şeyinizi ona verməyinizi istəyir.
Bəlkə o insan sizi deyil beynində yaratdığı sizin obrazınızı sevir?
Elə isə arzularımızdan keçib həyatımızı o insana həsr etməyə dəyərmi?