— Əsl güclü adam, mənim fikrimcə, bilirsiniz kimdir?
— Kim?
— O adam ki nəyisə etməklə bərabər, etməməyi də bacarsın.
— Başa düşmədim...
— Baxın, məncə, öldürmək asandır, bağışlamaq çətin. Pislik asandır, yaxşılıq çətin. Yemək asandır, yeməmək çətin. Çətin işi bacaran daha güclü sayılmalıdır, yəqin ki. Başa düşdünüz?
— Hə. Demək istəyirsən ki, nəfsini saxlaya bilən daha güclüdür.
— Nəfsini saxlaya bilən, bəli, güclü adamdır. İnsan gərək birinci özünə qalib gəlməyi bacarsın...