XAMLİYON__GÖZƏL Mətbəx 26-12-2021, 00:30

Yolka tortu

.Tərkibi:
10 yumurta
2 st şəkər tozu 2 st un
1 çay qaşığı soda
1 paket vanil

Kremi üçün:
1 banka qatılaşdırılmış süd
200 qr kərə yağı
1 st süd
1 paket krem şanti

Bəzəyi üçün:
Yaşıl qida boyası
Rəngli bonibonlar
Zər

Hazırlanması:
İlk olaraq yumurtalar bir qaba sındırılır, mikserlə çalınır. Tam köpükləyənə yaxın şəkər tozu əlavə olunur. Yenə mikserlə uzun müddət çalınır, bu zaman onun kütləsi 2 dəfə artmalıdır. Tam ağarandan sonra mikseri dayandırıb unu vanili və sodanı vurub qaşıqla qarışdırırıq. Hazır xəmiri yağlanıb unlanmış böyük soba qabına yayırıq. Biskvitimizi bişiririk. Soyuyandan sonra bir-birinə yaxın ölçülərdə dairələr kəsirik. Biskvitimizin soyumasını gözləyənədək kremi hazırlayırıq. Kərə yağı ilə qatılaşdırılmış südü, krem şanti ilə adi südü mikserlə çalıb 2 ayrı krem əldə edirik. Sonra kasdiyimiz dairələri yağlı kremlə kremləyərək böyükdən kiçiyə üst-üstə yığırıq və yerlərini sabitləyirik. Üzərini isə yaşıl rəng qatılmış şanti kremlə istədiyimiz formada bəzəyirik.

Nuş olsun!