Səhər Yeməyi Üçün Faydalı və Dadlı Düyülü Oladi

Səhər yeməyinizi faydalı və dadlı etməyə kömək edəcək düyülü oladi hazırlaya bilərsiniz. Bu təamı süfrəyə sevdiyiniz souslar və ya bal ilə verə bilərsiniz. LoaDinG.Az dadlı və doyumlu düyülü oladi reseptini təqdim edir.

Tərkibi:
120 qr düyü
2 ədəd yumurta
şüyüd
zövqə görə duz, istiot
Hazırlanma qaydası:
İlk öncə düyünü suda bişirib soyudun. Bir qabda yumurtanın üzərinə ədviyyatları əlavə edib yaxşıca çırpın. Çırpdığınız yumurtanı bişmiş düyünün üzərinə əlavə edib qarışdırın. Doğranmış şüyüd də əlavə edib qarışdırın. Hazırladığınız kütlədən kiçik ölçülərlə tavaya töküb qızılı rəng olanadək qızardın. Tərkibində şəkər tozu əlavə edib, bal ilə birgə desert kimi süfrəyə verə bilərsiniz.

Nuş Olsun!