BAHAR GƏLDİ SƏN GƏLMƏDİN SEVGİLİM

BAHAR GƏLDİ, SƏN GƏLMƏDİN...

Görəmmədim heç doyunca üzünü,
Ürəyimdə hey gəzmişəm izini.
Kaş deyəydin axırıncı sözünü,
Bu ayrılıq çoxmu çəkər de, bilim -
Bаhаr gəldi, sən gəlmədin sevgilim!

Sənsiz daha əyilibdi qamətim,
Qalmayıbdır nə gücüm, nə taqətim.
İndi səni necə tapım mən yetim?
Bu ayrılıq ya zillətdir, ya ölüm -
Bаhаr gəldi, sən gəlmədin sevgilim!

Səhər-axşam boylanıram yollara,
Uymamışan nə şöhrətə, nə vara.
Tez inandım etibarsız bir yara
Qan ağlayır sənziz keçən hər ilim -
Bаhаr gəldi, sən gəlmədin sevgilim!

Umacağım bircə zərrə, bir kəsim,
Geri dönsən közərəcək həvəsim.
Yaddır sənə bəlkə ilıq nəfəsim,
Sənsiz açmır nə çiçəyim, nə gülüm -
Bаhаr gəldi, sən gəlmədin sevgilim!
01.03.2022
SEYMUR SÖNMƏZ PAŞAYEV©