2 Həftəyə Yeyə Biləcəyiniz Xiyar Turşusu

Xiyar turşusunu çox gözləmədən qısa müddətdə necə hazırlamaq olar? LoaDinG.Az 2 həftəyə yeyə biləcəyiniz xiyar turşusunun reseptini təqdim edir.

Tərkibi:

1 kq turşuluq kiçik xiyar
yarım stəkanda bir az çox sirkə
2 xörək qaşığı xörək duzu
2 çay qaşığı şəkər tozu
yarım limonun şirəsi
1 bütöv sarımsaq (təxminən 6-7 diş)
qaynar su
Hazırlanma qaydası:

Bir qaba duz, sirkə, şəkər tozu və limon suyu töküb qarışdırın. Bankalara xiyarları doldurun, üzərinə hər bankaya 4-5 diş sarımsaq əlavə edin. Hazırladığınız marinadı bölüşdürün. Üzərinə banka dolanadək qaynar su töküb qapağını möhkəm bağlayın. Bankaları tərs çevirib bir gecə bu şəkildə saxlayın. Turşunu sərin bir yerdə saxlayın və 2 həftə sonra turşunuz hazırdır. İstəyə görə dənə istiot, şüyüd, kərəviz yarpağı kimi ətir verici əlavə edə bilərsiniz.

Qeyd:
Turşunun qapağını açdıqdan sonra mütləq soyuducuda saxlayın.