Darıxdım...
Əksin durub gözlərimin önündə,
Sənsiz - sənli günlər üçün darıxdım
Nə xəyalın yardım edir, nə şəklin,
Sənli keçən anlar üçün darıxdım.
Sən bilməzsən, necə çətin olurmuş,
Ömrün boyu hicran yükün daşımaq.
Mənim qədər sevmədin ki, özünü,
Anlayasan, nədir sənsiz yaşamaq?!..
Gecə keçir, yatağına qor dolur,
Gözlərini şirin yuxu uyutmur.
Neyləsən də, nə salsan da yadına,
Daha səni xatirələr ovutmur...
Sənin ömrün xəyallarda keçmədi,
Sən bilməzsən, sənsizliyin dadını,
Bu sevdaya dəyməzmiş, düz deyirsən,
Bəlkə çoxdan unutdun o qadını...
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
