n2006 Mətbəx 4-02-2023, 19:00

Piroq albalı ilə - asan və çox dadlı

Yayda ailə üzvlərinizi dadlı meyvəli piroqlarla sevindirin.

Lazım olan məhsullar:

Xəmir üçün:

- Kərə yağı - 200 qr

- Şəkər tozu - 1 stəkan

- Yumurta - 1 dənə

- Un - 2 stəkan

- Qabartma tozu - 1 paçka

- Vanilin - 1 paçka

- Duz - 1 çimdik

İçlik üçün:

- Albalı - 2 stəkan

- Nişasta - 3 xörək qaşığı

- Şəkər tozu - 2 xörək qaşığı

Hazırlanması:

1. Yumşaq kərə yağı şəkər tozu ilə mikserdə yaxşı çalınır.

2. Yumurta, vanilin əlavə olunur və yenə də yaxşı çalınır.

3. Duz əlavə olunur və qarışdırılır.

4. Un qabartma tozu ilə qarışdırılır və yağlı-şəkərli kütləyə əlavə olunur, yumşaq elastik xəmir yoğrulur.

5. Xəmiri 2 yerə ayırırıq (biri böyük, biri kiçik), plyonkaya bükürük və soyuducuda 2 saat ərzində saxlayırıq.

6. Albalı yuyulur, qurudulur, çəyirdəyi çıxarılır, şəkər tozu və nişasta əlavə olunur və yaxşı qarışdırılır.

7. Tavaya kağız səririk, xəmirin böyük hissəsini qoyuruq və hamarlayırıq.

8. Üzərinə albalı qoyuruq.

9. Albalının üzərinə xəmirin 2-ci hissəsini sürtgəcdən keçirdirik.

10. Sobanı əvvəlcədən 1800 C kimi qızdırırıq və piroqu təxminən 15 dəqiqə ərzində qızılı rəng alana kimi bişiririk.

11. Soyandan sonra piroqun üzərinə şəkər kirşanı tökürük.

Nuş olsun!

3120 bəyəndi 431 884 baxıb

Geri Paylaş