“ANNA RF” qrupu haqqında

“ANNA RF” – ifaçıların etnik qrupu sayılır. “ANNA RF” – ərəb-ibranicə ifritə, cadugər ifadəsini verib ikili məna daşıyaraq, “Bilirəm” və “Bilmirəm” qrupun sözdəki fəlsəfəsinin arxasında duran konsepsiyanı təmsil edir. “ANNA RF” ansamblı, İsrailin cənubundakı “Şaharut” adlı kiçik səhra kəndində rəsmi olaraq 2011-ci ilin yayında (kaman və gitara ifaçıları) Roy Smila və Ofir J. Rock tərəfindən yaranmışdır.

Onlar birlikdə yeni səslənmə - elektron xüsusiyyətlərin kombinasiyası ilə qədim və müasir alətlərin ahəngini quraraq Şərqin və Qərbin sintezini ərsəyə gətirdilər. Bir sözlə, keçmiş indiki ilə birləşərək gələcək səsə çevrilir.

Həmçinin, İsraildə öz studiyalarında və yaxud dünya üzrə səyahətləri zamanı onları müşayiət edən səyyar studiyada öz mahnılarına kliplər çəkir. On iki yaşlı qrup müxtəlif mədəniyyətlərin gözəlliyini birləşdirən və insanları sevinc dolu vahid bayramda barışdıran musiqi ərsəyə gətirir. Bu musiqilərdən:
- Weeping eyes,
- Why?
- BINGÖL,
- Mabruk SALAM,
- On the way to you,
- Days and Nights (Uzun ince bir yoldayim),
- Alps,
- ANNA RF feat Naadistan - "Tum Hi Ho" Aashiqui 2 - INSTRUMENTAL (HD),
- ANNA RF feat İmamyar Həsənov - Azerbaijani Folk Song ''Lachin'',
- Bahar,
- Earth və s. göstərmək olar.

Adını ilk qeyd etdiyim həzin və duyğulu “Weeping eyes” (“Ağlayan gözlər”) musiqisinə əsrarəngiz təbiət qoynunda bu istedadlı şəxslər tərəfindən çəkilmiş klipə seyr etməyiniz üçün və zövq almağınızdan ötrü var qüvvəmlə çalışıb bu məqaləni hazırladım. Sizə xoş anlar arzu edirəm və göz yaşlarınız ancaq sevincdən olsun, başqa heç nədən.