iPhone 15 ilə birlikdə USB Type-C dəstəkli AirPods-un təqdim olunacağı gözlənilir
Apple növbəti təqdimat tədbirinin keçiriləcəyi tarixi açıqlayıb. 12 sentyabrda baş tutacaq tədbirdə, şirkət iPhone 15 smartfon seriyasını, Apple Watch Series 9 və Watch Ultra 2 smart saatlarını təqdim edəcək. Bunlardan əlavə olaraq daha bir yeni Apple məhsulunun da təqdim ediləcəyi ehtimal olunur. Bloomberg saytının məlumatına görə 12 sentyabr tarixində Apple yeni AirPods qulaqlığını da təqdim edə bilər. Bildirilib ki, təqdim ediləcək yeni AirPods modelinin əsas özəlliyi onun keysinin USB Type-C girişinə sahib olacağındadır.
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
