Bakının məşhur bazarı sökülür? – RəsmiBakının məşhur bazarı sökülür? – Rəsmihttps://take.az/68554-bakinin-meshhur-bazari-sokulur-resmi.htmlhttps://take.az/uploads/posts/2024-05/1715174683_kesle-bazari.jpg
Bakıda tıxacların aradan qaldırılması üçün Ziya Bünyadov prospektinə paralel olaraq Həsən Əliyev küçəsindən “Koroğlu” metro stansiyasına qədər çəkiləcək yeni yolun məşhur “Keşlə” bazarının ərazisindən keçəcəyi və buna görə də bazarın söküləcəyi haqda məlumat yayılıb.
Take.az xəbər verir ki, bu barədə Cin.az-a danışan Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli deyib ki, bu haqda hazırda qəti söz demək çətindir.
“Hazırda tikinti ərazisinə düşən yaşayış və qeyri-yaşayış obyektlərinin, həmçinin torpaq sahələrinin ölçüləri hazırlanır. İndiki mərhələdə tikinti altına düşən maneələrin ilkin qiymətləndirilməsi işləri yerinə yetirilir. Bu işlər yekunlaşandan sonra bu barədə dəqiq söz demək mümkün olacaq”, – A.Nəcəfli qeyd edib.
