"İtirdin Məni"

Varlığım dolandı sənin yanında
Kədərli anında ən xoş anında
Amma sən bir anda göz qırpımında
Özün də bilmədən itirdin məni

Günləri bir yerdə ötürək dedim
Gəl bizə xoşbəxtlik gətirək dedim
Bu dava dalaşı bitirək dedim
Amma sən əksinə bitirdin məni

De kimlər aldatdı ağlını yedi
Şairdən yar olmaz tərk eylə dedi
Xəyalım bəmbəyaz bir dünya idi
Qaranlıq dünyaya ötürdün məni...💔