Paşinyan Ermənistanda diplomatik fəaliyyətini başa vuran Çinin səfirini qəbul edib

Ermənistanın baş naziri Nikol Paşinyan Ermənistanda diplomatik fəaliyyətini başa vuran Çinin Ermənistandakı fövqəladə və səlahiyyətli səfiri Fan Yonqu qəbul edib. Sun. Az
xəbər verir ki, bu barədə erməni mətbuatı bildirib.

Nikol Paşinyan Ermənistan və Çin arasında çoxşaxəli əməkdaşlığın inkişaf etdiyini vurğulayaraq səfirin öz fəaliyyəti ilə ikitərəfli münasibətlərin ardıcıl genişlənməsinə mühüm töhfə verdiyini qeyd edib.

Səfir baş nazirə və Ermənistan hökumətinə səmərəli əməkdaşlığa görə təşəkkür edib və əlavə edib ki, Çin tərəfi Ermənistanla ticari-iqtisadi əlaqələrin inkişafında maraqlıdır.

Həmsöhbətlər yaxın vaxtlarda Ermənistan və Çin arasında birbaşa aviareyslərin açılacağından məmnunluq ifadə ediblər ki, bu da turizm, ticarət və iqtisadi əlaqələrin genişləndirilməsi üçün stimul olacaq.

İkitərəfli gündəlik və regional əhəmiyyətli məsələlər ətrafında fikir mübadiləsi aparılıb və Paşinyan Fan Yonqa gələcək fəaliyyətində uğurlar arzulayıb.