"Hərbi xidmət müddətinin azaldılması gündəmdə deyil" - Hərbi ekspert

Son vaxtlar Azərbaycanda hərbi xidmət müddətinin azaldılması müzakirə olunur.

Hərbi ekspert Ədalət Verdiyev Sun.Az -a bildirib ki, hərbi xidmət müddətinin azaldılması məsələsi gündəmdə deyil:

"Bu məsələ nə dövlət, nə mütəxəssislər səviyyəsində ciddi müzakirə olunmur. Azərbaycan Silahlı Qüvvələrinin qarşısında kifayət qədər ciddi vəzifələr durur. Xidmət müddətinin azaldılması silahlı qüvvələrdə kifayət qədər vakant vəzifələrin yaranmasına gətirib çıxaracaq ki, bu da hazırda dövlət və milli maraqlarımıza uyğun deyil".