nzeyniyev özünü 😔 qəmli hiss edir. Şeirlər 23-09-2024, 20:49

Payız

Payız gəlib, hava biraz dumanlı
Pəncərəmdən seyr edirəm göyləri.
Çırpınan könlümün hayqırışları,
Boşa çıxır ürəyimin səyləri.

Yağış yağır dayanmadan bu yerə,
Şeh düşür boylanan gülə, çiçəyə..
Qərənfil sevincdən bülbülə döndü
Xəyalım, dönmədin niyə gerçəyə?

Dindirir budaq da yarpaq-yarpağı,
Səs verir səsinə xışıltısıyla.
Çəkilir ləpələr bir axşamçağı,
Dənizə uzağın pıçıltısıyla.

Torpağın bağrında cəsədlər yatır,
Damlalar məzarın üstə çilənir.
Saçları hicrandan ağarmış şair,
Allahdan bir ovuc ümid dilənir..

Nail Zeyniyev

1970 bəyəndi 275 587 baxıb

Geri Paylaş