"Azərbaycan hüquq mühafizə orqanları baş verə biləcək bütün təhlükələrin qarşısını öncədən almaq iqtidarındadırlar" - Deputat

Xəbər verdiyimiz kimi bu gün Türkiyədə terror aktı baş verib.

Mövzu ilə bağlı Sun.az -a danışan Milli Məclisin deputatı Ceyhun Məmmədov bildirib ki, Azərbaycan hüquq mühafizə orqanları peşəkardılar və baş verə biləcək bütün təhlükələrin qarşısını öncədən almaq iqtidarındadırlar:

"Bu gün Azərbaycan hüquq mühafizə orqanları üzərinə düşən işi məsuliyyətlə yerinə yetirirlər. Onlar peşəkardılar və baş verə biləcək bütün təhlükələrin qarşısını öncədən almaq iqtidarındadırlar. Türkiyədə baş verən terror fərqli prosesdir. Bu gün biz bu anlamda öz təhlükəsizliyimizi yüksək formada təmin etmişik və yenə də edəcəyik. Eyni zamanda bu gün hüquq mühafizə orqanları belə hadisələrin baş verməməsi üçün ayıq-sayıqdır, bütün tədbirləri həyata keçirir. Ancaq vətəndaşlarımız da ayıq-sayıq olmalıdrlar və çalışmalıdırlar ki, maksimum dərəcədə diqqətli olsunlar. Bu cür hadisələrdə hər kəsin üzərinə məsuliyyət düşür".