Bu vergi ödəyiciləri 6000 manat cərimələnəcək

İqtisadiyyat Nazirliyi yanında Dövlət Vergi Xidmətinin sahibkarlara müraciətində bildirilib ki, nağdsız vəsaitin qəbul edilməsi yalnız POS-terminal vasitəsilə həyata keçirilməli, bu zaman vətəndaşlara POS-terminalın qəbzi ilə yanaşı nəzarət-kassa aparatının çeki də təqdim edilməlidir.

Mövzu ilə bağlı Sun.Az -a danışan iqtisadçı ekspert bildirib ki, ilk dəfə qaydanı pozan vergi ödəyicisi 1000, ikinci dəfə 3000. 3-cü dəfə 6000 manat cərimələnir:

"Hesablama qaydalarının pozulması ilə bağlı Vergi Məcəlləsində maddələr var. İlk dəfə qaydanı pozan vergi ödəyicisi 1000, ikinci dəfə 3000. 3-cü dəfə 6000 manat cərimələnir.Ölkəmiz balacadır, informasiya rahat yayılır. Hamı bilir ki, hansı obyekt kart, hansı post terminal işlədir. Vergi məmurları çox rahat şəkildə aşkarlayıb cərimə tətbiq edə bilərlər. Bunun tətbiqinə başlansa, qısa müddətcə problemin lokallaşmasını görəcəyik".