Rayona qonaq gedən 3 yaşlı uşaq faciəvi şəkildə öldü

Bakıdan Neftçalaya qonaq gedən 3 yaşlı uşaq suda boğularaq ölüb. Sun.Az "Report"a istinadən xəbər verir ki, hadisə rayonun Ballıcallı kəndində qeydə alınıb.

Belə ki, ailəsi ilə birlikdə kəndə qonaq gedən Bakı şəhər sakini 2021-ci il təvəllüdlü H.X. velosiped sürərkən həyətdə ördəklər üçün qazılaraq su ilə doldurulmuş çuxura düşərək boğulub.

Faktla bağlı araşdırma aparılır.