Ays Şeirlər 2-01-2025, 14:34

Gəl sənə səndən danışım

Sən bir dünya gözəlisən,
Xanımların özəlisən,
Biraz duzlu, məzəlisən,
Gəl sənə, səndən danışım.

Yanağında qəmzəlisən,
Şirin, şəkər, gülməlisən,
Həm çılğınsan, həm dəlisən.
Gəl sənə, səndən danışım

Həzin su tək axışların,
Allah çəkən naxışların,
Çox gözəldi baxışların,
Gəl sənə, səndən danışım.

Qızıl gülün qönçəsisən,
Mirvarinin incisisən,
Sən Şairin iç səsisən,
Gəl sənə, səndən danışım.

Rəsul Abusov