Doqquz gün əvvəl Kürdə batan 13 yaşlı qızın meyiti tapılıb

Ötən il dekabr ayının 24-də səhər saatlarında Zərdabda Kür çayında batan 2011-ci il təvəllüdlü Kərimli Saray Sərvan qızının meyiti tapılıb. Sun.Az "Report"a istinadən xəbər verir ki, meyit batdığı yerdən təqribən 15-16 km aralıda Kür çayının Kürdəmir rayon Söyüdlü kəndi ərazisindən keçən hissəsində aşkarlanıb. Fövqəladə Hallar Nazirliyinin Aran Regional Dalğıc axtarış qrupunun əməkdaşları meyiti sudan çıxararaq aidiyyəti üzrə təhvil verib.

Hazırda faktla bağlı araşdırma aparılır.