Ukrayna prezidenti Zelenski "sülh" bəyanatı ilə çıxış etdi

Brüsseldə Avropa İttifaqı və NATO ilə görüşlərindən sonra Ukrayna prezidenti Vladimir Zelenski ölkəsinin sürətli və etibarlı sülh üçün çalışacağına davam edəcəyini bildirib. Sun.Az xarici mediaya istinadən xəbər verir ki, danışıqlarla bağlı açıqlama verən Zelenski: "Bir çox detalları müzakirə edə bildik. Mən bütün liderlərə dəstəyə görə minnətdaram. Sülhə doğru sürətli irəliləyiş mümkündür və biz tərəfdaşlarımızla birlikdə müharibəni dayandırmaq, təhlükəsizliyi təmin etmək, ədalətli və davamlı sülhə nail olmaq üçün hansı addımların atılacağını anlayırıq. Biz praktiki təkliflər hazırlayırıq" deyə bildirib.