Tramp ABŞ Federal Ehtiyat Sisteminin rəhbərini təhqir etdi

Amerika Birləşmiş Ştatlarının Prezidenti Donald Tramp ölkənin Federal Ehtiyat Sisteminin (FES) rəhbəri Cerom Pauelli ictimai şəkildə təhqir edib.

Loading.Az xəbər verir ki, dövlət başçısının bu ifadəsi "Truth Social" sosial şəbəkəsində yayımlanıb.

"Cerom Pauel heç nəyi başa düşməyən axmaqdır. Bunun xaricində isə mən onu çox bəyənirəm!", - deyə ABŞ lideri yazıb.

Xatırladaq ki, daha əvvəl də prezident FES-in rəhbərini əsas faiz dərəcəsini endirməkdən imtina etdiyinə görə təhqir edib, lakin onu işdən çıxarmayacağını, 2026-cı ilin may ayında bitəcək səlahiyyət müddətini gözləyəcəyini qeyd edib.