Uitkoff: "Putinin razılığı olmadan Ukraynadakı münaqişəni sülh yolu ilə həll etmək mümkün deyil"

ABŞ prezidentinin xüsusi nümayəndəsi Stiv Uitkoff nizamlama danışıqlarında Kiyevin ərazilərdən imtina etməsini, Zaporojye Atom Elektrik Stansiyasından istifadəni, Ukraynanın Dnepr və Qara dənizə çıxışını əsas mövzular adlandırıb.

Bu barədə Loading.Az TASS-a istinadən xəbər verir.

Uitkoffun sözlərinə görə, Rusiya Prezidenti Vladimir Putinin razılığı olmadan Ukraynadakı münaqişəni sülh yolu ilə həll etmək mümkün deyil.

"Rusiya Federasiyası ilə təmaslar zəruridir", - deyə o qeyd edib.

Xüsusi nümayəndə, həmçinin bəyan edib ki, Tramp Rusiya və Ukrayna arasında birbaşa danışıqlarda ultimatum şəklində israr edir, əks halda ABŞ nizamlama prosesindən geri çəkiləcək.