İngiltərə millisi 2026-cı ildə keçiriləcək dünya çempionatına çadırda hazırlaşır

İngiltərə millisi DÇ-2026-ya qeyri-adi üsulla hazırlaşır: komanda turnir zamanı qarşılaşacağı yüksək temperatura öyrəşmək üçün qızdırılan çadırlarda məşq edir.

Loading.Az xəbər verir ki, bu barədə ESPN məlumat yayıb.

İngiltərə yığması hazırda dünya çempionatının seçmə mərhələsi çərçivəsində Andorra millisi ilə oyun üçün İspaniyadadır.

Məşqlərdən sonra futbolçuların hər birinin orqanizminin bu cür hava şəraitinə necə reaksiya verdiyini anlamaq üçün diqqətlə yoxlanıldığı bildirilir.

2026-cı ildə dünya çempionatı Kanada, ABŞ və Meksikada keçiriləcək. Bəzi matçlar zamanı havanın temperaturunun 32°C-dən yuxarı qalxa biləcəyi ilə bağlı narahatlıqlar var.