Kimlər gecə növbəsindəki işlərə cəlb edilə bilməz - CAVAB

Bəzən gecə görülən işlər olur. Bəs həmin işlərə cəlb edilməsinə icazə verilməyən işçilər kimlərdir?

Gecə vaxtı yerinə yetirilən işlərə ilk növbədə yaşı on səkkizdən az olan işçilərin cəlb edilməsinə yol verilmir.

Əlilliyi olan işçilər gecə vaxtı yerinə yetirilən işlərə yalnız onların yazılı razılığı ilə və müvafiq icra hakimiyyəti orqanının müəyyən etdiyi orqanın (qurumun) rəyi nəzərə alınmaqla cəlb edilə bilərlər. Həmçinin hamilə, 14 yaşınadək uşağı olan, 18 yaşınadək əlilliyi müəyyən edilmiş uşağı olan qadınlar (Əmək Məcəlləsinin 242-ci maddəsi nəzərə alınmaqla), üç yaşınadək uşağını təkbaşına böyüdən kişilər gecə vaxtı yerinə yetirilən işlərə yalnız onların yazılı razılığı ilə cəlb edilə bilərlər.