ABŞ hərbçiləri üz qırxandan sonra dəri qıcıqlanmasına görə ordudan qovulacaqlar

Saqqal psevdofollikulitindən (üz qırxandan sonra dəri qıcıqlanması) əziyyət çəkən ABŞ hərbçiləri ordudan qovulmaq və ya məcburi epilyasiya ilə üzləşmək qarşısında qalıblar.

Loading.Az bu barədə Millitary.com portalına istinadla xəbər verir.

Əvvəllər belə diaqnozu olan hərbçilərin tibbi səbəblərdən üz qırxmamaq və saqqal uzatmaq hüququ var idi.

Lakin indi ABŞ Müdafiə Nazirliyi (Pentaqon) məhdudiyyət tətbiq edib: 2 il xidmət müddətində maksimum 12 ay saqqal saxlamağa icazə verilir, bundan sonra ya lazer epilyasiya kursundan keçmək, ya da silahlı qüvvələri tərk etmək lazımdır.

Rəsmi olaraq bu qərar "eynilik və nizam-intizam istəyi" ilə izah olunsa da, ordu daxilində bu, artıq tənqidlərə məruz qalıb.