Bizik

🌹📚☘️

Nə dünya qocalır, nə də zəmanə,

Zamanın əlində qocalan bizik.

Odunu, közünü verib illərə,

Oddan külə dönüb puç olan bizik.

🌹📚☘️

Doğulan hər körpə, gələn hər bahar,

Qoca dünyamızı cavanlaşdırar,

Zaman təzəsini yaradar, qurar,

Tökülən, sökülən, saçılan bizik.

🌹📚☘️

Dünyanın gəncliyi - öz dövrəsində,

Torpağın gəncliyi - göy pöhrəsində.

Körpə nəvələrin gül çöhrəsində

Gül kimi yenidən açılan bizik.

🌹#BəxtiyarVahabzadə