Qəfildən bir gecə qapın döyülə

Qəfildən bir gecə qapın döyülə

Deyələr, tez oyan , qonağın gəlib

Oyanıb qaçasan qapıya sarı

Görəsən, ən yaxın uzağın gəlib

Görəsən İlahi heç dəyişməyib

Görəsən baxışlar həmin baxışdır

Silə göz yaşını öz əllərilə

Deyə ki özünü bəsdir yığışdır.

Deyəsən buraxma bir də əlimi

Yadına salasan ötən günləri.

Deyəsən bir daha heç yerə getmə.

Göynəyir canımın sən gedən yeri.

Şəhriyar Heydərov