“Bentley” loqosunu yenilədi - Yeni loqo

“Bentley” 106 illik tarixində beşinci dəfə loqotipini yeniləyib.

Dəbdəbəli avtomobil nəhənginin simvoluna çevrilən "Winged B" 2002-ci ildən bəri ilk dəfə yenilənib.

Yeni loqo ilk dəfə 8 iyulda brendin gələcək stilini nümayiş etdirəcək konsept avtomobilin kapotunda canlı olaraq nümayiş etdiriləcək.

Həmin gün “Bentley”nin İngiltərənin Kru şəhərində yerləşən baş ofisində yerləşən üçmərtəbəli yeni dizayn studiyası da açılacaq.

“Bentley”nin yeni loqosunun diqqətçəkən tərəfi əvvəlki versiyalarından ən fərqlisi olmasıdır.