Vyetnamda kruiz gəmisinin batması nəticəsində ölənlərin sayı artıb

Vyetnamda Halonq körfəzi akvatoriyasında turist gəmisinin batmasının nəticələrinin aradan qaldırılması üzrə əməliyyat davam edir.

Loading.Az bu barədə VTC portalına istinadla xəbər verir.

İyulun 20-də xilasedicilər kruiz gəmisinin batması nəticəsində həlak olan daha dörd nəfərin meyitini sudan çıxarıblar.

Yenilənmiş məlumatlara görə, hadisə nəticəsində 38 nəfər ölüb. Daha beş nəfərin taleyi naməlum olaraq qalır - onların yeri dəqiqləşdirilir.

Rəsmi məlumata görə, kruiz gəmisinin göyərtəsində 53 nəfər olub. Gəmi iyulun 19-da güclü tufan nəticəsində aşıb.