Tufanlar qoynunda gəmim var mənim

Yığılmır yollardan fikrim, xəyalım,

Görən, bu çöllərdə kimim var mənim ?

Sazda Kərəmiyə qoşulan səsim,

Kamanda inləyən simim var mənim.

Kəsilib qapıdan gedib-gələnim,

Yox mətləb qananım, qədir bilənim,

Dumanlar içində yorğun köhlənim,

Tufanlar qoynunda gəmim var mənim.

Hüseyn, nə oldu qönçə niyyətim?

Daşlara toxundu ilk məhəbbətim,

Özgəni güldürən sözüm-söhbətim, 

Özümü ağladan qəmim var mənim 

•Hüseyn Arif