Sevmə məndən özgəsini

🌹🪦Sevmə məndən özgəsini,

İncidərlər, küsdürərlər.

Hamı mənim kimi deyil,

Hər səhvinə pis deyərlər.

🪦🌹Sevmə məndən özgəsini,

Gəlib dərdin bölən deyil.

Hörülməyən saçlarının,

Hər telinə ölən deyil.

🪦🌹Sevmə məndən özgəsini,

Nə bilsinlər sevmək nədir.

Saatlarca gözləyib və,

On saniyə görmək nədir.

🪦🌹Sevmə məndən özgəsini,

Bil, arxanda duran deyil.

Büdrəyib də yerə düşsən,

Əllərindən tutan deyil.

*✒️Elgün İlyasoğlu*