Makronun Ukraynaya dəstək açıqlamasına Putin sərt cavab verdi

Fransa prezidenti Emmanuel Makronun 26 ölkənin Ukraynaya təhlükəsizlik zəmanəti verməyə razılıq göstərdiyini açıqlaması Moskvanın sərt reaksiyasına səbəb olub.    Sun.Az      

xarici mediaya istinadən xəbər verir ki, Rusiya prezidenti Vladimir Putin NATO-ya üzv Avropa ölkələrindən Ukraynaya daxil olacaq hərbçilərin "qanuni hədəf" kimi qəbul ediləcəyini bəyan edib.        

Putin həmçinin vurğulayıb ki, belə bir addım Qərb ölkələri ilə Rusiya arasında birbaşa qarşıdurma riskini artıracaq və regionda vəziyyəti daha da gərginləşdirəcək.

Qeyd edək ki, son aylarda Qərbin Ukraynaya hərbi və siyasi dəstəyi artırması Moskva tərəfindən ciddi narahatlıqla qarşılanır. Analitiklərin fikrincə, Makronun açıqlaması Avropanın müharibədə mövqeyini sərtləşdirdiyini göstərir və bu, gələcəkdə Rusiya ilə NATO arasında yeni gərginliklərin yaranmasına səbəb ola bilər.