İnsan var, şəkildə ölür

Yenə səhər…

Yenə həmin gün şüası

Evdəki tozu göstərir.

Yenə axşam…

Qaranlıq boş çarpayını

Saat doqquzu göstərir.

Nə mənası,

Ölmüşəmmi, qalmışammı?

Heç yadına düşürəmmi?

Kimə lazım,

Təkəmmi, qocalmışammı?...

Aman-güman

Məndə cəmi bir şəklin var

Baxıram əynin köhnəlib.

Həyatdı da…

Ömür var, şəkilnən keçir,

İnsan var, şəkildə ölür.

Yenə şəhər…

Yenə həmin insan seli…

Kölgələr əyilir camda.

Bəlkə də, biz

Ayrı-ayrı evdən çıxıb

Yan-yana itkin düşürük,

Hər gün eyni izdihamda.

#AqşinYenisey