Namazların üçüncü və dördüncü rükətlərində nə söyləmək lazımdır?

Gündəlik namazların üçüncü və dördüncü rükətlərində insan bu iki yoldan birini seçməkdə azaddır: ya yalnız Fatihə surəsini oxumalı (ardınca başqa surə oxumadan), ya da təsbihati-ərbəə söyləməlidir. Təsbihati-ərbəə (dörd təsbih) Allahı mədh edən dörd ifadədən ibarət olduğu üçün bu cür adlanır: Sübhan Allahi vəlhəmdu lillahi və la ilahə illəllahu vallahu əkbər. Təsbihati-ərbəəni tək sayda (üç, beş, yeddi dəfə) təkrar etmək olar və sayının çoxluğu ilə savab da artar. Ən azı bir dəfə deyilməsi lazımdır. Hər iki rükətdə eyni cür hərəkər etmək vacib deyil. İnsan istər qeyri-ixtiyari, istərsə də qəsdən üçüncü rükətdə Fatihə, dördüncü rükətdə təbihati-ərbəə (və yaxud əksinə) oxusa, heç bir maneçiliyi yoxdur və namazı düzgündür.