Zəkəriyya Peyğəmbər (ə) kim olub?

Həzrət Zəkəriya (ə) Qurani-Kərimdə və Bibliyada adı çəkilən peyğəmbərlərdən biridir. Onun nəsil şəcərəsi Həzrət Davud (ə) vasitəsilə Yəqub Peyğəmbərə (ə) qədər uzanır. Bəni-Israil xalqına peyğəmbər kimi göndərilmişdi. Həz­rət Məryəmin xalası ilə evli olduğuna görə Məryəmə himayədarlıq etmişdir. Dülgərliklə məşğul olurmuş. Qoca vaxtında etdiyi duaya cavab olaraq Allah-Taala Ona oğul bəxş etmişdi (bu, gələcəkdə peyğəmbər kimi tanınan Həzrət Yəhya (ə) idi). Insanları Allahın varlığına və birliyinə inanmağa dəvət edən Həzrət Zəkəriyya (ə) yəhudilər tərəfindən şəhid edilmişdir. Rəvayətə görə, onu təqib edənlərdən qaçıb ağac koğuşunda gizlənmişdi, amma düşmənləri onun yerini öyrənib ağacı mişarla doğrayıb peyğəmbəri şəhid etmişdilər.