Çində qidanın acılığını yoxlamaq üçün süni dil yaradılıb

Şanxayda Şərqi Çin Elm və Texnologiya Universitetinin tədqiqat qrupu qidanın acılığını təyin edə bilən bionik dil təqdim edib.

Loading.aZ xəbər verir ki, bu barədə "Sinxua" məlumat yayıb.

Cihaz quru süd, akril turşusu və xolin xloridinin qarışımı ilə əldə edilən yumşaq gel materialından hazırlanıb. Elektrik mənbəyinə qoşulduqda, xlorid və hidrogen ionları olan gel elektrik keçirməyə başlayır.

Qida nə qədər acı olarsa, elektrik keçiriciliyi bir o qədər azalır.

Sınaq zamanı süni dil səkkiz müxtəlif acılı qidanı sınaqdan keçirib və onlara 0-dan (acısız) 70-ə (maksimum acılı) qədər bal verib.

Nəticələr demək olar ki, insanların verdiyi qiymətlərlə tamamilə üst-üstə düşüb.