Gülümsə bir kənarda kimsə görmədən

⚖️🤍❤️🌹⚖️🤍🌹⚖️🌹

Gülümsə bir kənarda kimsə görmədən, Qoy heç kim bilməsin nədir dərdimiz.

Ruhun sarsılsa da, qəlbin çökmədən,

Sükutda gizlənsin bütün izimiz.

Gülümsə bir kənarda kimsə görmədən, Gözünün yaşını içinə axıt.

Dünya elə bilsin, bəxtiyar kəsən,

Sən öz daxilində sönməyən yaqut.

Gülümsə bir kənarda kimsə görmədən, Yaralı bir ömrün vüqarı kimi.

Keçib get bu yoldan şikayət etmədən,

Dağların başında duran qarı kimi.