Ermənistan: KTMT ilə münasibətlər davam edəcək

Ermənistanın Kollektiv Təhlükəsizlik Müqaviləsi Təşkilatına (KTMT) üzvlüyünün 2026-cı ildə dondurulması gözlənilmir.     Sun.Az    xarici mediaya istinadən xəbər verir ki, bu barədə ölkənin Xarici Kəşfiyyat Xidməti "Armenpress" agentliyi tərəfindən dərc olunmuş hesabatda məlumat yayıb.              

Hesabatda bildirilib ki, Ermənistanın KTMT-yə üzvlüyünün dondurulması demək olar ki, baş verməyəcək və bu məsələ digər üzv dövlətlər üçün "düşüncə mövzusu" kimi qiymətləndirilir.

Xarici Kəşfiyyat Xidməti Ermənistanla KTMT arasında 2025-ci ildə münasibətlərin inkişafını müsbət dəyərləndirib və bu tendensiyanın davam edəcəyini vurğulayıb. Məlumata görə, ölkə rəhbərliyinin üzvlüyün dondurulması ilə bağlı mümkün qərarı KTMT-nin nüfuzuna təhlükə yarada bilər.