Merilin Monronun evi satışa çıxdı

Hollivudun əfsanəvi aktrisalarından biri olan Merilin Monronun Palm Sprinqsdəki keçmiş evi satışa çıxarılıb.

Loading.aZ xəbər verir ki, aktrisanın 1960-cı illərin əvvəllərində yaşadığı və hazırda Nik Adlerə məxsus olan ev 3,3 milyon dollara satışa çıxarılıb.

Dağ mənzərəli üç min kvadrat metrlik ərazidə yerləşən evdə 4 yataq otağı, 4 vanna otağı, əyləncə zonaları və şəxsi hovuz var. Monronun bir vaxtlar yaşadığı ev Palm Sprinqsin Vista Las Palmas məhəlləsində yerləşir.

Qeyd edək ki, Monro 4 avqust 1962-ci ildə, 36 yaşında Los-Ancelesdəki evində ifrat dozada dərman preparatı qəbul etdiyi üçün vəfat edib.