The Telegraph: "Putin İrana ABŞ-a hücum etməyə kömək edir"

Rusiya kəşfiyyat xidmətlərinin ABŞ hərbi qüvvələrinin Yaxın Şərqdə yerləşməsi barədə məlumatları İrana ötürdüyü iddia olunur. Bu barədə amerikalı rəsmilərə istinadən məlumat yayılıb.

Məlumata görə, Moskva İran tərəfinə ABŞ hərbi bazalarının, döyüş gəmilərinin və bəzi hərbi obyektlərin yerləşdiyi yerlər barədə kəşfiyyat məlumatları təqdim edib. Bu məlumatların İranın mümkün hücumlarını daha dəqiq planlaşdırmasına kömək edə biləcəyi bildirilir.       Sun.Az         

The Telegraph-a istinadən xəbər verir ki, ABŞ rəsmiləri hesab edir ki, bu cür əməkdaşlıq regionda gərginliyi daha da artıra bilər. Vaşinqton bu məsələni ciddi təhlükə kimi qiymətləndirir və Rusiyanın belə addımlarının vəziyyəti daha da mürəkkəbləşdirə biləcəyini bildirir.

Məlumatlara görə, İran son dövrlərdə regionda ABŞ hədəflərinə qarşı raket və pilotsuz uçuş aparatlarından istifadə edir. Analitiklər bildirir ki, kəşfiyyat məlumatlarının paylaşılması bu hücumların effektivliyini artıra bilər.

Rusiya isə bu iddialara açıq şəkildə cavab verməyib. Kremlin nümayəndələri daha əvvəl belə ittihamları rədd edərək Rusiyanın regiondakı vəziyyətlə bağlı mövqeyinin dəyişmədiyini bildirmişdi.

ABŞ rəsmiləri isə bildirir ki, Rusiya ilə İran arasında hərbi və təhlükəsizlik sahəsində əməkdaşlıq son illərdə daha da güclənib.

Müəllif: İlkin Məmmədkərimov