Trampla görüş Avropada narazılıq yaratdı - İspaniya Merzi tənqid etdi

İspaniyanın Baş nazirinin müavini Yolanda Diaz Almaniya kansleri Fridrix Merzi ABŞ prezidenti Donald Trampla görüş zamanı sərgilədiyi davranışa görə tənqid edib.     Sun.Az             

xəbər verir ki, bu barədə "Politico" nəşri məlumat yayıb.            

Məlumata görə, Tramp İspaniya hökumətinə qarşı qəzəbli çıxış etdiyi vaxt Merz Oval kabinetdə səssizcə oturub. ABŞ prezidenti bunu "dəhşətli" adlandıraraq ticarət əlaqələrini kəsməklə hədələyib.

Diaz Almaniya kanslerini "yaşadığımız tarixi anı necə idarə edəcəkləri barədə heç bir fikri olmayan" Avropa Birliyi (AB) liderləri sırasında göstərib.

İspaniyalı siyasətçi sonda bildirib ki, "bu gün Avropaya Trampa hörmət edən vassallar deyil, həqiqi liderlər lazımdır".