Mətbəxdə gizli təhlükə: məişət kimyasını harada saxlamaq olmaz

Bir çox insan üçün mətbəx çanağının (rakovinanın) altındakı yer təmizləyici vasitələri saxlamaq üçün ən uyğun məkan kimi görünür. Lakin təhlükəsizlik üzrə mütəxəssislər xəbərdarlıq edir ki, bu vərdiş yanğın, kimyəvi zəhərlənmə və ya əmlaka ziyan riskini artırır.

Ağardıcı maddə və ya ammonyak kimi kimyəvi vasitələrin təsadüfi sızması onların bir-biri ilə qarışmasına səbəb ola bilər. Bu isə zəhərli qazların yaranmasına gətirib çıxarır. Bundan əlavə, su borularının sızması və ya mətbəx tullantı üyüdücüsünün işi qablaşdırmanı zədələyə bilər. Bu da kimyəvi maddələrin korroziyaya uğramasını və tökülməsini sürətləndirir.

Aerozol balonları (spreylər, soba təmizləyici vasitələri və s.) isə asan alışan maddələrdir. Onların elektrik cihazlarının (məsələn, qabyuyan maşın və ya tullantı üyüdücüsü) yanında saxlanması rütubətli mühitdə qığılcım və hətta partlayış riskini artırır.

Uşaqlar və heyvanlar üçün risk

Mətbəx çanağının altı həm də uşaqlar və ev heyvanları üçün ən əlçatan yerlərdən biridir. Onlar təsadüfən yuyucu kapsulları udaraq və ya kimyəvi maddələrlə təmas edərək kimyəvi yanıq və zəhərlənmə riski ilə üzləşə bilərlər.

Məişət kimyasını necə təhlükəsiz saxlamaq olar?

Tez alışan maddələr

Onları sərin, quru və yaxşı havalandırılan yerdə (məsələn, qaraj və ya anbar) saxlayın. Günəş şüalarından, soba və digər qızdırıcı cihazlardan uzaq tutun.

Aqressiv kimyəvi maddələr

Ağardıcılar, döşəmə təmizləyiciləri və qabyuyan kapsullar kilidli və uşaqların çata bilməyəcəyi hündür şkaflarda saxlanmalıdır.

Müntəzəm yoxlama

Vaxtaşırı qabların vəziyyətini yoxlayın ki, sızma və ya qablaşdırmanın şişməsi kimi problemləri vaxtında aşkar edə biləsiniz.

Çanaq altı üçün daha uyğun nədir?

Bu yer daha çox aşağıdakı əşyaların saxlanması üçün uyğundur:

fırçalar

dəsmallar

süngərlər

təbii təmizləyici vasitələr (məsələn, sirkə, soda və hidrogen peroksid)

Daha yaxşı qoruma üçün bu vasitələri hermetik plastik qablarda saxlamaq məsləhət görülür.