Yayda hamı ətrinizdən danışsın istəyirsinizsə, bu xəbəri oxuyun!

Yay aylarının gəlişi ilə təkcə geyim tərzi deyil, ətir seçimləri də dəyişib. Havaların isinməsi ilə ağır, qalıcı və kəskin notlu ətirlər vitrindən geri çəkilir, onların yerini yüngül, təravətli və çiçək notlu ətirlər tutur.

Ətir mağazalarının yay mövsümünə dair satış statistikası da bunu təsdiqləyir. Satıcıların sözlərinə görə, isti havalarda xüsusilə sitrus, yaşıl çay, lavanda, yasəmən və sulu meyvə notlu ətirlər daha çox tələbat görür.

Loading.aZ ən çox satılan yay ətirlərini təqdim edir:

Dolce & Gabbana – Light Blue

İtalyan sahillərinin havasını xatırladan bu ətir limon və yaşıl alma notları ilə həm qadınlar, həm də kişilər arasında yay mövsümünün favorisinə çevrilib.

Chanel – Chance Eau Fraîche

Təravətli və incə çiçək notları ilə bu ətir yüngül, eyni zamanda seçilən qoxu axtaranların seçimidir.

Versace – Bright Crystal

Nar, lotus çiçəyi və musk qarışığı ilə həm gündəlik istifadə, həm də xüsusi tədbirlər üçün uyğun sayılır.

Jo Malone – Wood Sage & Sea Salt

Dəniz küləyi və oduncaqlı notların harmoniyası yay üçün fərqli və cəlbedici seçim sayılır.

Zara – Fleur de Patchouli

Daha sərfəli qiymətə təklif olunan bu ətir də alıcıların yay alış-veriş siyahısında yer almağa davam edir.

Ətir məsləhətçiləri bildirirlər ki, yayda təravətli ətirlər yalnız qoxusu ilə deyil, həm də bədəndə daha yüngül hiss olunması ilə üstünlük qazanır. Bundan başqa, isti havada dərinin nəmli qalması üçün ətirlə yanaşı, eyni notlu losyonlardan istifadə də tövsiyə olunur.

Qeyd edək ki, yay boyunca istifadə etdiyiniz ətir təkcə qoxunuz deyil, əhvalınızı da dəyişə bilər. Ona görə də seçim edərkən həm bədəninizə, həm də ruhunuza uyğun olanı tapmağa çalışın.