Üçüncü Dünya Müharibəsi Riskimi Artır: Dünya Hara İstiqamətlənir? - POLİTOLOQDAN AÇIQLAMA

Son dövrlərdə dünyada artan siyasi gərginliklər, regional münaqişələr və böyük dövlətlər arasında rəqabətin güclənməsi "Üçüncü Dünya Müharibəsi başlaya bilərmi?" sualını yenidən gündəmə gətirib. Beynəlxalq münasibətlərdə müşahidə olunan qarşıdurmalar, iqtisadi sanksiyalar, hərbi alyansların fəallaşması və texnologiya sahəsində yarış qlobal təhlükəsizlik balansını daha həssas vəziyyətə gətirir.

Hazırkı dövrdə münaqişələrin miqyası genişlənsə də, nüvə silahı amili və qarşılıqlı zərbə riski böyük gücləri daha ehtiyatlı davranmağa məcbur edir. Bununla belə, regional savaşların böyüyərək beynəlxalq toqquşmaya çevrilməsi ehtimalı daim müzakirə mövzusudur. Bəs hazırkı geosiyasi proseslər həqiqətən də qlobal müharibə riskini artırırmı, yoxsa bu daha çox siyasi ritorika və qorxu dalğasıdır?          Mövzu ilə bağlı politoloq Emin Vəliyev     Sun.Az      

-a açıqlamasında bildirdi ki, hazırkı beynəlxalq vəziyyət ciddi gərginliklərlə xarakterizə olunsa da, böyük güclər arasında birbaşa və genişmiqyaslı müharibə ehtimalı hələ də aşağı səviyyədə qiymətləndirilir. Onun sözlərinə görə, nüvə silahı amili, iqtisadi qarşılıqlı asılılıq və beynəlxalq təşkilatların vasitəçilik mexanizmləri qlobal toqquşmanın qarşısını alan əsas faktorlar hesab olunur: "Eyni zamanda qeyd edilir ki, regional münaqişələrin genişlənməsi, yanlış hesablamalar və diplomatik kanalların zəifləməsi risk faktorlarını artırır.

Hazırkı mərhələdə əsas təhlükə lokal qarşıdurmaların nəzarətdən çıxaraq daha böyük geosiyasi bloklar arasında gərginliyə çevrilməsidir. Buna görə də diplomatiyanın aktiv saxlanılması və dialoqun gücləndirilməsi qlobal sabitlik üçün həlledici əhəmiyyət daşıyır".

Müəllif: İlkin Məmmədkərimov