Hande Erçeldən saxlanılma qərarına İLK REAKSİYA

Barəsində saxlanılma qərarı çıxarılan türkiyəli məşhur aktrisa Hande Erçel məsələ ilə əlaqədar ilk dəfə açıqlama verib.

Loadinf.az-ın məlumatına görə, aktrisa fikirlərini sosial media hesabında paylaşıb.

O bildirib ki, təhsil ilə bağlı təxminən bir aydır ölkə xaricindədir: “Dünən gecə sizin kimi mən də mediada yayılan məlumatlarla tanış oldum. Məsələyə aydınlıq gətirmək üçün ölkəmə qayıdıb rəsmi şəkildə izahat verəcəyəm. Mən ölkəsini sevən, dövlətinə və ədalət sisteminə güvənən biriyəm. İnanıram ki, bu vəziyyət qısa zamanda öz həllini tapacaq”.

Qeyd edək ki, dünən axşam məşhurlarla bağlı aparılan narkotik araşdırması çərçivəsində “Beşiktaş” klubunun keçmiş rəhbəri Fikret Orman, “Galatasaray”ın sabiq prezidenti Burak Elmas, iş adamları Hakan Sabancı və Kerim Sabancı, həmçinin modellər Didem Soydan və Güzide Duran saxlanılıb.